A Xunta publica no DOG as porcentaxes de reserva de solo para vivenda protexida para o ano 2024

A porcentaxe de reserva total do concello determinaraa anualmente o Instituto Galego da Vivenda e Solo, con base nos inscritos no Rexistro Único de Demandantes de Vivenda de Galicia

Segundo a Lei do Solo de Galicia os planeamentos deberán prever unhas reservas de solo para a vivenda suxeita a algún réxime de protección pública que, como mínimo, comprenderán os terreos necesarios para realizar o 30 % da edificabilidade residencial

Cómpre lembrar que estarán exentos destas reservas de solo os concellos con menos de 5.000 habitantes no momento da aprobación inicial do plan xeral

A Consellería de Vivenda e Planificación de Infraestruturas publica hoxe no Diario Oficial de Galicia (DOG) a Resolución das porcentaxes de reserva de solo para vivenda protexida correspondentes ao ano 2024.A porcentaxe de reserva total do concello determinaraa anualmente o Instituto Galego da Vivenda e Solo, con base nos inscritos no Rexistro Único de Demandantes de Vivenda da comunidade autónoma. Esta resolución que determine esta porcentaxe será publicada no Diario Oficial de Galicia.Segundo a Lei 2/2016, do 10 de febreiro, do Solo de Galicia, os Plans Xerais de Ordenación Municipal (PXOM) deberán prever unhas reservas de solo para a vivenda suxeita a algún réxime de protección pública que, como mínimo, comprenderán os terreos necesarios para realizar o 30 % da edificabilidade residencial prevista pola ordenación urbanística no solo urbanizable e no solo urbano non consolidado regulado na citada lei.Esta proporción será do 10 % no suposto do solo urbano non consolidado regulado no artigo 17.b).2. da lei e no caso do solo urbano non consolidado regulado no artigo 17.b).3, non será obrigatoria unha reserva para vivenda suxeita a algún réxime de protección.Cómpre lembrar que estarán exentos das reservas de solo reguladas os concellos con menos de 5.000 habitantes inscritos no padrón municipal no momento da aprobación inicial do plan xeral, cando este non conteña previsión para novos desenvolvementos urbanísticos en solos clasificados como urbanos non consolidados e urbanizables que na totalidade do municipio superen as 300 vivendas.Neste enlace ao DOG poden consultarse as porcentaxes de reserva de solo para vivendas protexidas por concellos de máis de 5.000 habitantes:

Descarga gratis la nueva app de COPE y prueba todas las novedades. Ya disponible para iPhone y Android, con nuevas funcionalidades. Todos los programas, emisoras y noticias. Con la posibilidad de recibir notificaciones en tu móvil. La aplicación para iOS y Android se puede descargar de forma totalmente gratuita a través de la App Store y Google Play.

La aplicación de COPE es el mejor canal para escuchar la radio en directo, pero es también un completo medio de información digital que cuenta las noticias cuando se están produciendo, que te alerta de lo que sucede mediante notificaciones en tu móvil. Continúa leyendo las últimas noticias de actualidad en nuestra página web para estar siempre informado de lo que está pasando